തൃപ്രങ്ങോട്: മണ്ണിറക്കുന്നതിനിടെ ടോറസ് ലോറി വൈദ്യുതി കമ്പിയില്‍ തട്ടിയതിനെ തുടര്‍ന്നുണ്ടായ അപകടത്തില്‍ ഒരാള്‍ മരിച്ചു. മറ്റൊരാള്‍ക്ക് പരgക്കേറ്റു. പട്ടാമ്പി ഓങ്ങല്ലൂര്‍ ചൂരക്കോട് സ്വദേശി മുഹമ്മദ് ബഷീര്‍(27) ആണ് മരിച്ചത്. അപകടത്തില്‍ പരുക്കേറ്റ വളാഞ്ചേരി സ്വദേശി ഫൈസല്‍(32)നെ കോട്ടക്കലിലെ സ്വകാര്യ ആശുപത്രിയില്‍ പ്രവേശിപ്പിച്ചു.

ലോറിയുടെ ഡ്രൈവര്‍ പട്ടാമ്പി കാരക്കാട് സ്വദേശി അബ്ദുല്‍ അസീസ് (32) അപകടത്തില്‍ നിന്ന് അത്ഭുതകരമായി രക്ഷപ്പെട്ടു. ഇന്ന് രാവിലെ രാവിലെ ഒന്‍പത് മണിയോടെ ബീരാഞ്ചിറ ചെറിയപറപ്പൂര്‍ മദീന പളളിക്ക് സമീപത്തായിരുന്നു അപകടം.

എടക്കുളം സ്വദേശി മുഹമ്മദിന്റെ ഉടമസ്ഥതയിലുളള ക്വോട്ടേഴ്സിന്റെ നിര്‍മാണ പണി നടക്കുന്ന പറമ്പില്‍ മണ്ണിറക്കുന്നതിനിടെയാണ് അപകടം സംഭവിച്ചത്. ഓടി കൂടിയ പരിസരവാസികള്‍ അപകടത്തില്‍പ്പെട്ടവരെ കൊടക്കല്‍ സി.എസ്.ഐ മിഷന്‍ ആശുപത്രിയില്‍ എത്തിച്ചെങ്കിലും സാരമായി പരുക്ക് പറ്റിയ പട്ടാമ്പി സ്വദേശിയുടെ ജീവന്‍ രക്ഷിക്കാനായില്ല. മരിച്ച മുഹമ്മദ് ബഷീര്‍ ലോറിയിലെ സഹായിയും പരുക്കേറ്റ ഫൈസല്‍ ക്ലീനറുമാണ്.