ഗൂഡല്ലൂര്‍: കുടിവെള്ള വിതരണം താളംതെറ്റിയതിയതില്‍ പ്രതിഷേധിച്ച് നാട്ടുകാര്‍ റോഡ് ഉപരോധിച്ചു.
നെല്ലാക്കോട്ട പഞ്ചായത്തിലെ കന്നലാടി ശിവന്‍ കോളനിയിലെ കുടിവെള്ള വിതരണമാണ് താളംതെറ്റിയത്. ഈ പ്രദേശത്തേക്ക് കുടിവെള്ളമെത്തിക്കാനുള്ള സംഭരണിയില്‍ വെള്ളം ഉണ്ടായിട്ടും ആഴ്ചയില്‍ ഒരുദിവസം മാത്രമണ് തുറന്നു വിടുന്നതെന്ന് നാട്ടുകാര്‍ ആരോപിച്ചു.
സമരത്തെ തുടര്‍ന്ന് സ്ഥലത്തെത്തിയ പൊലിസ് ഇന്‍സ്‌പെക്ടര്‍ ലോകനാഥന്‍ നാട്ടുകാരെയും പഞ്ചായത്ത് ജീവനക്കാരെയും വിളിച്ചു വരുത്തി ചര്‍ച്ച നടത്തിയതിനെ തുടര്‍ന്ന് വെള്ളം യഥാസമയം തുറന്നു വിടാന്‍ തീരുമാനമായതോടെ നാട്ടുകാര്‍ സമരത്തില്‍ നിന്നും പിന്‍മാറുകയായിരുന്നു.