പെരുമ്പാവൂര്‍: മുനിസിപ്പാലിറ്റിയുടെയും രായമംഗലം പഞ്ചായത്തിന്റെയും അതിര്‍ത്തി പ്രദേശമായ വട്ടക്കാട്ടുപടി പ്രദേശത്തു കൂടി കടന്നു പോകുന്ന പാത്തിത്തോടിന്റെ അരികില്‍ വ്യാപകമായി മാലിന്യം നിക്ഷേപിക്കുന്നതായി പരാതി. ഇതുമൂലം സമീപവാസികള്‍ കുടിവെള്ളത്തിനായി ഉപയോഗിക്കുന്ന പാത്തിത്തോട്ടിലെ വെള്ളത്തില്‍ മാലിന്യം അലിഞ്ഞ് മാരകരോഗങ്ങള്‍ക്ക് കാരണമാകുന്നതായും പരാതിയുണ്ട്.
കഴിഞ്ഞ ദിവസം ഇവിടെ മാലിന്യം തള്ളിയ രണ്ടു വാഹനം ഭാരതീയ രാഷ്ട്രീയ കോണ്‍ഗ്രസ്സ് സേവ പ്രവര്‍ത്തകര്‍ തടയുകയും കസ്റ്റഡിയിലെടുത്ത് കേസെടുപ്പിക്കുകയും ചെയ്തിരുന്നു. സ്വകാര്യ വ്യക്തിയുടെ സ്ഥലത്ത് മാലിന്യം നിക്ഷേപിക്കുന്നതിന് സ്ഥലം ഉടമ പണം കൈപറ്റുന്നത് സംബന്ധിച്ച് പരാതി ലഭിച്ചതിന്റെ അടിസ്ഥാനത്തില്‍ രായമംഗലം വില്ലേജ് ഓഫീസറെയും കലക്ടറെയും പരാധി അറിയിച്ചിരുന്നു. എന്നിട്ടും സ്ഥലമുടമ മാലിന്യം നീക്കം ചെയ്യാന്‍ തയ്യാറായിട്ടില്ലന്നും അടിയന്തിരമായി മാലിന്യം നീക്കം ചെയതില്ലങ്കില്‍ ശക്തമായ പ്രക്ഷോഭ പരിപാടികള്‍ സംഘടിപ്പിക്കുമെന്നും ഭാരതീയ രാഷ്ട്രീയ കോണ്‍ഗ്രസ്സ് സേവ പ്രവര്‍ത്തകര്‍ അറിയിച്ചു