ഗഡ്‌വാള്‍: ഉത്തരാഖണ്ഡില്‍ ബസ് കൊക്കയിലേക്ക് മറിഞ്ഞ് 44 പേര്‍ മരിച്ചു. ഗഡ്‌വാള്‍ ജില്ലയിലെ പൗരിയിലാണ് സംഭവം. ഒരാളെ ഗുരുതര നിലയില്‍ ആശുപത്രിയില്‍ പ്രവേശിപ്പിച്ചു.

മരണസംഖ്യ ഉയരാന്‍ സാധ്യതയുണ്ട്. സ്ഥലത്ത് ദേശീയ ദുരന്ത നിവാരണ സേന സ്ഥലത്ത് രക്ഷാപ്രവര്‍ത്തനം നടത്തുന്നുണ്ട്.

മിനി ബസാണ് അപകടത്തില്‍പ്പെട്ടത്. 45 പേര്‍ ബസിലുണ്ടായിരുന്നു. രാംനഗറില്‍ നിന്ന് ഭോനിലേക്കു പോകുന്ന ബസാണ് മറിഞ്ഞത്. 60 അടി താഴ്ചയിലേക്കാണ് ബസ് വീണത്. അധികം പേരും സംഭവസ്ഥലത്തു തന്നെ മരിച്ചു.