കോട്ടയം: പിറവത്ത് കരിങ്കല്‍ ക്വാറിയില്‍ അപകടത്തില്‍ രണ്ട് തൊഴിലാളികള്‍ മരിച്ചു. മണീട് ആനമുന്തിക്ക് സമീപം പ്രവര്‍ത്തിക്കുന്ന ഡയമണ്ട് ക്വാറിയിലാണ് അപകടമുണ്ടായത്. മണീട് സ്വദേശി മറ്റത്തില്‍ ശശി, വെസ്റ്റ് ബെംഗാള്‍ സ്വദേശി ദീപക് നട്ര എന്നിവരാണ് മരിച്ചത്.

ഇന്ന് ഉച്ചയ്ക്ക് 12 മണിയോടെയായിരുന്നു അപകടം. ശശിയെയാണ് ആദ്യം പുറത്തെടുത്തത്. എന്നാല്‍, ആശുപത്രിയിലേക്ക് കൊണ്ടുപോകും വഴി മരിച്ചു. ഫയര്‍ഫോഴ്സ് ഉള്‍പ്പെടെ നടത്തിയ മണിക്കൂറുകള്‍ നീണ്ട രക്ഷാപ്രവര്‍ത്തനത്തിനൊടുവിലാണ് ദീപക് നട്രയെ പുറത്തെടുക്കാനായത്. അതേ സമയം ക്വാറി അനധികൃതമായാണ് പ്രവര്‍ത്തിക്കുന്നതെന്ന് ആരോപിച്ച് സ്ഥലത്ത് നാട്ടുകാരുടെ പ്രതിഷേധിച്ചു. മുന്‍പ് ഇവിടെ ഒരു സ്ത്രീയും അപകടത്തില്‍ മരിച്ചിരുന്നു.