മുവാറ്റുപുഴ: പായിപ്ര ഗ്രാമപഞ്ചായത്ത് നാലാം വാര്‍ഡിലെ ലഹരി വിരുദ്ധ ക്യാംപയിനും ജാഗ്രതാ സമിതി രൂപീകരണവും മുളവൂര്‍ എം. എസ്. എം എല്‍.പി സ്‌കൂളില്‍ നടന്നു.
സ്‌കൂള്‍ ഓഡിറ്റോറിയത്തില്‍ നടന്ന ചടങ്ങില്‍ മുന്‍പഞ്ചായത്ത് പ്രസിഡന്റ് പി.എ.ബഷീര്‍ സ്‌കൂളിലെ കുരുന്നുകളുടെ അമ്മമാര്‍ തയ്യാറാക്കിയ ലഹരി വിരുദ്ധ 'അമ്മപ്പതിപ്പി'ന്റെ പ്രകാശനവും ക്യാംപയിന്റെ ഉദ്ഘാടനവും നിര്‍വഹിച്ചു. പഞ്ചായത്ത് മെമ്പര്‍മാരായ എം.പി ഇബ്രാഹിം, സീന അസീസ് എന്നിവര്‍ പ്രസംഗിച്ചു. ലഹരി വിരുദ്ധ ബോധവല്‍ക്കര ക്ലാസിന് അസിസ്റ്റന്റ് എക്‌സൈസ് ഓഫിസര്‍ പി.വി മുരളീധരന്‍ നായര്‍ നേതൃത്വം നല്‍കി.