പുത്തനത്താണി: അടുത്ത അധ്യയന വര്‍ഷത്തേക്ക് ആയിരം മുഅല്ലിമീങ്ങളെ വാര്‍ത്തെടുക്കാന്‍ സമസ്ത മദ്‌റസ മാനേജ്‌മെന്റ് അസോസിയേഷന്‍ വെസ്റ്റ് ജില്ലാ കൗണ്‍സില്‍ മീറ്റ് തീരുമാനിച്ചു. മദ്‌റസ പത്താം തരം പൂര്‍ത്തിയായ തത്തുല്ല്യ യോഗ്യത നേടിയ നാല്‍പത് വീതം പഠിതാക്കളെ ഇരുപത്തിയഞ്ച് കേന്ദ്രങ്ങളില്‍ നാല്‍പത് ദിവസത്തെ പ്രത്യേക മുഅല്ലിം ട്രെയ്‌നിങ്ങ് നല്‍കി വാര്‍ത്തെടുക്കുന്നതാണ് പദ്ധതി.
 അസോസിയേഷന്‍ സംസ്ഥാന പ്രസിഡന്റ് കെ.ടി ഹംസ മുസ്‌ലിയാര്‍ ഉദ്ഘാടനം ചെയ്തു. സയ്യിദ് കെ.കെ.എസ് തങ്ങള്‍ വെട്ടിച്ചിറ അധ്യക്ഷനായി.
കെ.എം കുട്ടി എടക്കുളം, എം.എ ഖാദര്‍ വെളിമുക്ക്, എ.കെ.കെ മരക്കാര്‍, ശാഫി മാസ്റ്റര്‍ ആലത്തിയൂര്‍, ജഹ്ഫര്‍ താനൂര്‍, സയ്യിദ് ബാപ്പുട്ടി തങ്ങള്‍ വരമ്പനാല, തോപ്പില്‍ കുഞ്ഞാപ്പുഹാജി, പഞ്ചിളി മൊയ്തീന്‍, സലാം മാസ്റ്റര്‍ കക്കാട്, സലാം മൗലവി പുറത്തൂര്‍, എന്‍.ടി.എം കുട്ടി സംസാരിച്ചു.