വെട്ടത്തൂര്‍:  മണ്ണാര്‍മലയില്‍ ബസപകടം നടന്നതായി സോഷ്യല്‍ മീഡിയയില്‍ വ്യാജ പ്രചാരണം. ബസ് കുഴിയിലേക്ക് മറിഞ്ഞുണ്ടണ്ടായ അപകടത്തില്‍ 14 പേര്‍ മരിച്ചെന്നാണ് ആദ്യം പ്രചരിച്ചത്. പിന്നീട് നാലുപേര്‍ മരിച്ചെന്നായി. അഞ്ചുപേര്‍ ഗുരുതരാവസ്ഥയിലാണെന്നും 25ഓളം പേര്‍ക്ക് പരിക്കേറ്റെന്നുമാണ് പ്രചാരണമുണ്ടണ്ടായത്. 20ഓളം പേര്‍ മരിച്ചെന്നും ഇന്നലെ വൈകിട്ടോടെ വാട്ട്‌സ്ആപ് ഗ്രൂപ്പുകള്‍ വഴി സന്ദേശം പ്രചരിച്ചു. ഇതോടെ ഗള്‍ഫില്‍നിന്നടക്കം ആളുകള്‍ മാധ്യമപ്രവര്‍ത്തകര്‍ക്ക് വിളിച്ച് വിവരമന്വേഷിച്ചു. മാധ്യമപ്രവര്‍ത്തകര്‍ പൊലിസ് സ്റ്റേഷനില്‍ വിളിച്ച് നടത്തിയ അന്വേഷണത്തില്‍ അപകടം നടന്നിട്ടില്ലെന്ന് സ്ഥിരീകരിക്കുകയായിരുന്നു.