ബോവിക്കാനം: കനത്ത മഴയില്‍ വീട് തകര്‍ന്നു. മുളിയാര്‍ പഞ്ചായത്തിലെ മല്ലം വാര്‍ഡിലെ ചക്ലിയ പട്ടികജാതി കോളനിയില്‍ മാലിങ്കന്റെ ഓട് പാകിയ വീടാണ് തകര്‍ന്നു വീണത്. കഴിഞ്ഞ ദിവസം രാത്രിയുണ്ടായ കാറ്റിലും മഴയിലും വീടിന്റെ മേല്‍ക്കൂര പൂര്‍ണമായും തകര്‍ന്നു വീഴുകയായിരുന്നു.
വീടിനകത്തുണ്ടായിരുന്ന മാലിങ്കന്റെ കാന്‍സര്‍ രോഗിയായ ഭാര്യ കമല, എന്‍ഡോസള്‍ഫാന്‍ ദുരിത ബാധിതയായ മകള്‍ ലീലാവതി, മകന്‍ ഭാസ്‌കരന്‍, മരുമകള്‍ രാജേശ്വരി, പേരമക്കളായ ശ്രീഹരി, ശ്രീലക്ഷ്മി, ശ്രീജയ, കീര്‍ത്തന എന്നിവര്‍ അത്ഭുതകരമായിട്ടാണ് രക്ഷപ്പെട്ടത്.