തിരൂര്‍: യുവാവിനെ കാറിലെത്തിയ ഒരു സംഘം വെട്ടി പരുക്കേല്‍പ്പിച്ചു. വാക്കാട് മാസ്റ്റര്‍ പടി സ്വദേശി ഐദുവിന്റെ പുരക്കല്‍ ഉമ്മര്‍ എന്ന ബുള്ളറ്റ് ഉമ്മറി(35) നാണ് വെട്ടേറ്റത്. ശനിയാഴ്ച വൈകിട്ട് ആറോടെ വാക്കാട് ആശുപത്രി പടിയില്‍ ഓട്ടോസ്റ്റാന്‍ഡിന് സമീപമാണ് സംഭവം. തലക്കും കൈക്കും കാലിനും ഗുരുതരമായി പരുക്കേറ്റ ഉമ്മറിനെ തിരൂര്‍ ജില്ലാ ആശുപത്രിയിലും പിന്നീട് കോട്ടക്കലിലെ സ്വകാര്യ ആശുപത്രിയിലും പ്രവേശിപ്പിച്ചു.
കൂട്ടായി സ്വദേശിയായ അറഫാത്തിന്റെ നേതൃത്വത്തിലാണ് തന്നെ ആക്രമിച്ചതെന്ന് ഉമ്മര്‍ പറഞ്ഞു. വ്യക്തി വൈരാഗ്യമാണ് സംഭവത്തിന് പിന്നിലെന്ന് തിരൂര്‍ പൊലിസ് വ്യക്തമാക്കി. തീരദേശത്ത് സമാധാന അന്തരീക്ഷം പുനഃ സ്ഥാപിക്കാനുള്ള സി.പി.എം-ലീഗ് സംയുക്ത ശ്രമത്തിനിടെയുണ്ടായ രണ്ടാമത്തെ ആക്രമണമാണിത്. അതിനാല്‍ അക്രമികള്‍ക്കെതിരേ ശക്തമായ നടപടിയെടുക്കണമെന്ന നിലപാടിലാണ് ഇരുപാര്‍ട്ടി നേതൃത്വവും.