മുംബൈ: റിഷഭ് പന്തിന്റെ വെടിക്കെട്ട് ബാറ്റിങ്ങിന്റെ കരുത്തില്‍ ഡല്‍ഹിക്ക് മികച്ച സ്‌കോര്‍. ആദ്യ മത്സരത്തില്‍ തന്നെ മുംബൈ ബൗളര്‍മാര്‍ പന്തിന്റെ ബാറ്റിന്റെ ചൂടറിഞ്ഞു. 18 പന്തില്‍ ഫിഫ്റ്റി തികച്ച പന്ത് പുറത്താവാതെ 78 റണ്‍സാണ് നേടിയത്. ആദ്യം ബാറ്റ് ചെയ്ത ഡല്‍ഹി ആറു വിക്കറ്റിന് 213 റണ്‍സ് അടിച്ചെടുത്തു. ടോസ് ലഭിച്ച മുംബൈ നായകന്‍ രോഹിത് ശര്‍മ ബൗളിങ്

തിരഞ്ഞെടുക്കുകയായിരുന്നു. അവിസ്മരണീയ ഇന്നിങ്‌സ് കളിച്ച പന്താണ് ഡല്‍ഹിയെ വന്‍ സ്‌കോറിലെത്തിച്ചത്. ജസ്പ്രീത് ബുംറയുള്‍പ്പെടുന്ന മുംബൈയുടെ ബൗളിങ് നിരയെ പന്ത് അടിച്ച് പരത്തി. ഡല്‍ഹിക്കായി കുറഞ്ഞ പന്തുകളില്‍ ഫിഫ്റ്റി നേടിയ ര@ണ്ടാമത്തെ താരമെന്ന റെക്കോര്‍ഡിനും പന്ത് അവകാശിയായി. പന്തിനെക്കൂടാതെ കോളിന്‍ ഇന്‍ഗ്രാം (47), ശിഖര്‍ ധവാന്‍ (43) എന്നിവരും ഡല്‍ഹിക്കായ മികച്ച സ്‌കോര്‍ കണ്ടെത്തി. മുംബൈക്ക് വേണ്ട@ി മിച്ചെല്‍ മക്ലെനഗന്‍ മൂന്നു വിക്കറ്റ് വീഴ്ത്തി. യുവ താരം പൃഥ്വിഷാക്ക് മികച്ച പ്രകടനം പുറത്തെടുക്കാനായില്ല. മിച്ചെല്‍ മക്ലെനഗന്റെ ബൗളിങില്‍ വിക്കറ്റ് കീപ്പര്‍ ക്വിന്റണ്‍ ഡികോക്കിന് അനായാസ ക്യാച്ച് നല്‍കിയാണ് താരത്തിന്റെ മടക്കം.

മൂന്നാം വിക്കറ്റില്‍ ശിഖര്‍ ധവാന് കൂട്ടായി ദക്ഷിണാഫ്രിക്കന്‍ താരം കോളിന്‍ ഇന്‍ഗ്രാം വന്നതോടെയാണ് ഡല്‍ഹി കരകയറിത്തുടങ്ങിയത്. 83 റണ്‍സിന്റെ കൂട്ടുകെട്ടുമായി ഈ ജോടി മുന്നേറവെയാണ് മുംബൈ തിരിച്ചടിക്കുന്നത്. അര്‍ധസെഞ്ചുറിക്ക് മൂന്ന് റണ്‍സ് അകലെ ഇന്‍ഗ്രാമിനെ ബെന്‍ കട്ടിങ് പുറത്താക്കി. വമ്പന്‍ ഷോട്ടിനു ശ്രമിച്ച ഇന്‍ഗ്രാമിനെ കട്ടിങിന്റെ ബൗളിങില്‍ ബൗണ്ട@റിലൈനിന് തൊട്ടരികെ ഹര്‍ദിക് പാണ്ഡ്യ പിടികൂടി. 32 പന്തില്‍ ഏഴു ബൗണ്ടണ്ടറികളും ഒരു സിക്‌സറുമുള്‍പ്പെട്ടതായിരുന്നു താരത്തിന്റെ ഇന്നിങ്‌സ്. ഓപ്പണര്‍ ധവാനാണ് നാലാമനായി ക്രീസ് വിട്ടത്.

അര്‍ധസെഞ്ചുറി നേടുമെന്ന് കരുതിയ താരം ഏഴ് റണ്‍സ് അകലെ വിക്കറ്റ് കൈവിടുകയായിരുന്നു. ഹര്‍ദിക് പാണ്ഡ്യക്കാണ് വിക്കറ്റ്. 43 റണ്‍സെടുത്ത ധവാനെ പാണ്ഡ്യയുടെ ബൗളിങില്‍ സൂര്യകുമാര്‍ യാദവ് ക്യാച്ചെടുത്തു. 36 പന്തുകള്‍ നേരിട്ട അദ്ദേഹത്തിന്റെ ഇന്നിങ്‌സില്‍ നാലു ബൗ@ണ്ടറികളും ഒരു സിക്‌സറുമുള്‍പ്പെട്ടിരുന്നു.