പൂച്ചാക്കല്‍: ഹെല്‍മറ്റ് ധരിച്ചെത്തിയ രണ്ടംഗ സംഘം അധ്യാപികയുടെ മാലപൊട്ടിച്ച് കടന്നു.
പള്ളിപ്പുറം സെന്റ് മേരീസ് എല്‍.പി സ്‌കൂളിലെ അധ്യാപികയായ പള്ളിപ്പുറം പഞ്ചാത്ത് ആറാം വാര്‍ഡ്  വട്ടത്തറയില്‍ തങ്കമ്മയുടെ നാല് പവന്‍ മാലയാണ് പൊട്ടിച്ചത്.
തിങ്കളാഴ്ച വൈകുന്നേരം 4.30ന് സ്‌കൂളില്‍ നിന്നും വീട്ടിലേക്ക് വരുന്നവഴി ചേര്‍ത്തല അരൂക്കുറ്റി റോഡില്‍നിന്നും വില്ലേജ് ഓഫീസിന് സമീപം  പടിഞ്ഞാറോട്ട് തിരിയുന്ന റോഡിലൂടെ നടന്നുപോകവേ എതിരെ വന്ന ബൈക്കില്‍ ഹെല്‍മറ്റ് ധരിച്ച രണ്ടംഗ സംഘം അധ്യാപികയെ തള്ളിയിട്ടശേഷം മലപൊട്ടിച്ച് കടന്നു കളയുകയായിരുന്നു.
ചേര്‍ത്തല പോലീസ് സ്ഥലത്തെത്തി അന്വേഷണം ആരംഭിച്ചു.