അഹമ്മദാബാദ്: ഗുജറാത്തിലെ ബറൂച്ചില്‍ യശശ്വി രാസായന്‍ പ്രൈവറ്റ് ലിമിറ്റഡിനു കീഴിലെ കെമിക്കല്‍ ഫാക്ടറിയിലുണ്ടായ പൊട്ടിത്തെറിയില്‍ അഞ്ചുപേര്‍ മരിച്ചു. അന്‍പതിലേറെ പേര്‍ക്കു പൊള്ളലേറ്റിട്ടുണ്ട്. പരുക്കേറ്റവരെ വിവിധ ആശുപത്രികളില്‍ പ്രവേശിപ്പിച്ചിരിക്കുകയാണ്.

ഇന്നലെ ഉച്ചയ്ക്കു ശേഷമാണ് മൂന്നു കിലോമീറ്റര്‍ ചുറ്റളവിലേക്കു കേട്ട വലിയ ശബ്ദത്തോടെ പൊട്ടിത്തെറിയുണ്ടായത്. തുടര്‍ന്നു വലിയ പുകപടലവും ഉയര്‍ന്നു. ഇതിനു സമീപത്തെ മൂന്നു ഗ്രാമങ്ങളിലുള്ളവരെ സംഭവത്തെ തുടര്‍ന്ന് മാറ്റിപ്പാര്‍പ്പിച്ചിട്ടുണ്ട്. 

സ്‌ഫോടനം നടക്കുന്ന സമയത്ത് നിരവധി ജോലിക്കാര്‍ ഫാക്ടറിക്കുള്ളില്‍ ഉണ്ടായിരുന്നു. എന്താണ് പൊട്ടിത്തെറിക്കു കാരണമെന്ന് വ്യക്തമായിട്ടില്ല.