ഉരുവച്ചാല്‍: ഡെങ്കിപ്പനി പടരുമ്പോഴും ഉരുവച്ചാലിലെ തുറന്നുകിടക്കുന്ന ടോയ്‌ലറ്റ് കൊതുകുവളര്‍ത്തു കേന്ദ്രമാവുന്നു. ഉരുവച്ചാല്‍ ടാക്‌സി സ്റ്റാന്റിലെ ടോയ്‌ലറ്റിനാണു വാതില്‍ പോലുമില്ലാത്തത്. സാമൂഹ്യ ദ്രോഹികള്‍ ടോയ്‌ലറ്റിന്റെ വാതില്‍ തകര്‍ത്തിട്ട് നാളെറെയായി. ഉരുവച്ചാലില്‍ തുറന്നുകിടക്കുന്ന ഓവുചാലുകളും കൊതുകുവളര്‍ത്തുന്നുണ്ട്. മാലിന്യം നിറഞ്ഞ് ഇവിടെ ദുര്‍ഗന്ധം പരക്കുന്നുണ്ട്. ഓവുചാല്‍ ഗന്ധം വഴിയാത്രക്കാര്‍ക്കും വ്യാപരികര്‍ക്കും ഓട്ടോറിക്ഷാ ഡ്രൈവര്‍മാര്‍ക്കും ഒരുപോലെ ദുരിതമാണു സമ്മാനിക്കുന്നത്.