ചേളാരി: ലോക്ക്ഡൗണില്‍ എല്ലാ മേഖലകളിലും ഇളവനുവദിച്ച സാഹചര്യത്തില്‍ ആരാധനാലയങ്ങളും തുറന്നുപ്രവര്‍ത്തിക്കാന്‍ നടപടിയുണ്ടാകണമെന്നു സമസ്ത കേരള ജംഇയ്യത്തുല്‍ ഉലമാ പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങളും ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാരും സര്‍ക്കാരിനോട് ആവശ്യപ്പെട്ടു. കഴിഞ്ഞദിവസം മുഖ്യമന്ത്രി പിണറായി വിജയനു നല്‍കിയ കത്തിലാണ് ആവശ്യം ഉന്നയിച്ചത്.

കൊവിഡ് 19മായി ബന്ധപ്പെട്ട് സര്‍ക്കാരിന്റെയും ആരോഗ്യ പ്രവര്‍ത്തകരുടെയും നേതൃത്വത്തില്‍ നടക്കുന്ന പ്രവര്‍ത്തനങ്ങള്‍ക്ക് തുടര്‍ന്നും പൂര്‍ണ പിന്തുണ നല്‍കുമെന്നും നേതാക്കള്‍ വാഗ്ദാനം ചെയ്തു.