പെരിങ്ങത്തൂര്‍: മത സൗഹാര്‍ദവും ഐക്യവും സാഹോദര്യവും നിലകൊള്ളുന്നതു മതപരമായ ബോധം കൊണ്ടാണെന്നും യതീംഖാനകളെ സംരക്ഷിക്കേണ്ടതു നമ്മുടെ കടമയാണെന്നും സമസ്ത ജില്ലാ ജനറല്‍സെക്രട്ടറി മാണിയൂര്‍ അഹമ്മദ് മുസ്‌ലിയാര്‍.
 പെരിങ്ങത്തൂര്‍ ദര്‍സ് യതീംഖാന നിര്‍മിക്കുന്ന പുതിയ കെട്ടിടത്തിന്റെ പ്രവൃത്തി ഉദ്ഘാടനം നിര്‍വഹിക്കുകയായിരുന്നു അദ്ദേഹം. ഇത്തരം സ്ഥാപനങ്ങളില്‍ വളര്‍ന്നു വരുന്നവരുന്നവരാണു നാടിന് വെളിച്ചമാവേണ്ടത്. പരമ്പരാഗത വിശ്വാസത്തില്‍ നിന്നുള്ള വ്യതിചലനമാണ് ഇസ്‌ലാമിനെ തെറ്റിദ്ധരിക്കാന്‍ കാരണം.
തീവ്രവാദ ചിന്തകളില്‍ നിന്നു രാജ്യത്തിനു കാവലേകാന്‍ ആത്മീയ സദസുകള്‍ അധികരിപ്പിക്കണമെന്നും അഹമ്മദ് മുസ്‌ലിയാര്‍ ആവശ്യപ്പെട്ടു. കെ.കെ മുഹമ്മദ് അധ്യക്ഷനായി. അബൂബക്കര്‍ ഫൈസി, സാലിഹ് റഹ്മാനി, കൂടത്തില്‍ കുഞ്ഞബ്ദുല്ല, ഇ.എ നാസര്‍, പി. മൊയ്തു ഹാജി, കെ.ടി ഖാദര്‍, എന്‍.പി മുനീര്‍ സംസാരിച്ചു.