പട്ടാമ്പി: സംസ്ഥാനത്ത് ആരോഗ്യമേഖലയില്‍ മൂവായിരത്തോളം നിയമനം ഉടന്‍ നടത്തുമെന്ന് മന്ത്രി  എ. കെ ബാലന്‍. ആര്‍ദ്രം പദ്ധതിയില്‍ ഉള്‍പ്പെടുത്തിയായിരിക്കും ഇതെന്നും അദ്ദേഹം പറഞ്ഞു.  ഓങ്ങല്ലൂര്‍ കുടുംബാരോഗ്യകേന്ദ്രത്തില്‍ പുതുതായി നിര്‍മിച്ച കെട്ടിടം ഉദ്ഘാടനം ചെയ്യുകയായിരുന്നു മന്ത്രി. പഞ്ചായത്ത് 10 ലക്ഷംരൂപ ചെലവഴിച്ചാണ് കെട്ടിടം നിര്‍മിച്ചത്.

ചടങ്ങില്‍ മുഹമ്മദ് മുഹ്‌സിന്‍ എം.എല്‍.എ. അധ്യക്ഷനായി. പഞ്ചായത്ത് പ്രസിഡന്റ് ജിഷാര്‍ പറമ്പില്‍, ജില്ലാപഞ്ചായത്ത് അംഗം എ. സാബിറ, ജുസ്‌ന, എം.പി. വിജയകുമാര്‍, പി.വി. വിജയന്‍, കെ. രഞ്ജിത്ത്, ഡോ. നാസര്‍, ഡോ. രചനചിദംബരം, ഡോ. ഗീത സംബന്ധിച്ചു.