ന്യൂഡല്‍ഹി: രാജ്യത്ത് കൊവിഡ് വ്യാപനം രൂക്ഷമാവുന്നു. 24 മണിക്കൂറിനിടെ 9,000ത്തിലേറെ കേസുകളാണ് രാജ്യത്ത് സ്ഥിരീകരിച്ചത്. 9,304 പേര്‍ക്ക് വൈറസ് ബാധ് സ്ഥിരീകരിച്ചതായാണ് റിപ്പോര്‍ട്ട്. 260 മരണവും 24 മണിക്കൂറിനിടെ റിപ്പോര്‍ട്ട് ചെയ്തു. രാജ്യത്തെ ആകെ വൈറസ് ബാധിതരുടെ എണ്ണം 2,16,919 ആയി. ഇതുവരെ ആകെ 6,075 പേര്‍ കൊവിഡ് ബാധിച്ചു മരിച്ചു.

അതിനിടെ, വൈറസിനെതിരായി ഹൈഡ്രോക്‌സിക്ലോറോക്വിന്‍ പരീക്ഷണം പുനരാരംഭിക്കുമെന്ന് ലോകാരോഗ്യ സംഘടന അറിയിച്ചിട്ടുണ്ട് . കഴിഞ്ഞ മാസമാണ് (മെയ് 25ന്) രോഗികളുടെ ആരോഗ്യപരമായ ആശങ്കകളെ തുടര്‍ന്ന് താല്‍ക്കാലികമായി മരുന്നിന്റെ ഉപയോഗം നിര്‍ത്തി വെച്ചത്.