ഹരിപ്പാട്: ഡി.വൈ.എഫ്.ഐ മേഖലാ ജോയിന്റ് സെക്രട്ടറി കരുവാറ്റ വിഷ്ണു ഭവനത്തില്‍ ജിഷ്ണുവിനെ വെട്ടിക്കൊലപ്പെടുത്തിയ കേസിലെ മൂന്ന് പ്രതികള്‍ കൂടി അറസ്റ്റിലായി. ഇതോടെ അറസ്റ്റിലായ പ്രതികളുടെ എണ്ണം 17 ആയി.
കരുവാറ്റ കന്നുകാലിപ്പാലത്തിന് സമീപം വാടക വീട്ടില്‍ താമസിക്കുന്ന തൈപ്പറമ്പില്‍ സജീര്‍(ഗുല്‍ഫി 35), കരുവാറ്റ വടക്ക് പുത്തന്‍വീട്ടില്‍ മനു(പാര മനു 25), കരുവാറ്റ വടക്ക് വെട്ടത്തേരില്‍ ശ്രീജിത്ത് (30) എന്നിവരെയാണ് എറണാകുളം വരാപ്പുഴയില്‍ നിന്ന് ഹരിപ്പാട് സി.ഐ.ടി മനോജിന്റെ നേതൃത്വത്തില്‍ അറസ്റ്റ് ചെയ്തത്.
ജിഷ്ണുവിനെ കൊലപ്പെടുത്താനുള്ള ഗൂഢാലോചനയില്‍ പങ്കാളികളായിരുന്നു ഇവര്‍. പ്രതികളെ ഹരിപ്പാട് കോടതി റിമാന്‍ഡ് ചെയ്തു. സിവില്‍ പൊലിസ് ഓഫിസര്‍മാരായ ജോസഫ്, ബിനുമോന്‍, സജു സത്യന്‍, വികാസ് ആന്റണി, ഇല്യാസ് അന്വേഷണ സംഘത്തിലുണ്ടായിരുന്നു.