കോട്ടയം: പള്ളിത്തര്‍ക്കത്തില്‍ പ്രത്യക്ഷ സമര പരിപാടികളുമായി മലങ്കര യാക്കോബായ സുറിയാനി സഭ. സമരത്തിന്റെ ഭാഗമായി ഇന്നലെ രാവിലെ 10 മുതല്‍ വൈകിട്ട് 5 വരെ തിരുനക്കര പഴയ പൊലിസ് സ്റ്റേഷന്‍ മൈതാനത്ത് കോട്ടയം ഭദ്രാസന മെത്രാപ്പൊലീത്ത തോമസ് മാര്‍ തീമത്തിയോസ് ഉപവസിച്ചു. തെരഞ്ഞെടുപ്പുകളുടെ മറവില്‍ പരമാവധി പള്ളികള്‍ പൂട്ടിക്കാനാണ് ഓര്‍ത്തഡോക്‌സ് വിഭാഗം ശ്രമിക്കുന്നതെന്നാരോപിച്ചാണ് സമരം.

അങ്കമാലി ഭദ്രാസനാധിപന്‍ എബ്രഹാം മാര്‍ സേവറിയോസ് ഉദ്ഘാടനം ചെയ്തു. നിരണം ഭദ്രാസനാധിപന്‍ ഗീവര്‍ഗീസ് മാര്‍ കൂറിലോസ്, ക്‌നാനായ അതിഭദ്രാസനം റാന്നി മേഖല മെത്രാപ്പൊലീത്ത കുറിയാക്കോസ് മാര്‍ ഈവാനിയോസ്, സ്ലീബ പോള്‍ വട്ടവേലി, സഭയിലെ മെത്രാപ്പൊലീത്തമാരും വിശ്വാസികളും വൈദികരും പ്രതിഷേധത്തില്‍ പങ്കെടുത്തു.