അലെപ്പോ: സിറിയയില്‍ അഭയാര്‍ഥികളുടെ ബസിനു നേരെയുണ്ടായ ആക്രമണത്തില്‍ മരിച്ചവരുടെ എണ്ണം 112 ആയി. വിമത മേഖലയായ റാശിദീനിലാണ് ആക്രമണം നടന്നത്. ഫുആ, കഫ്്‌രായ മേഖലകളില്‍ നിന്ന് വടക്കന്‍ ദമസ്‌കസിലേക്ക് പോകുകയായിരുന്നവരാണ് കൊല്ലപ്പെട്ടത്.
അഭയാര്‍ഥികളുടെ വാഹനവ്യൂഹത്തിനു നേരെ സ്‌ഫോടക വസ്തുക്കള്‍ നിറച്ച ട്രക്ക് ഇടിച്ചുകയറ്റുകയായിരുന്നു. കൊല്ലപ്പെട്ടവര്‍ ശീഈ വിഭാഗക്കാരാണെന്നാണ് റിപ്പോര്‍ട്ടുകള്‍. നൂറിലേറെ പേര്‍ക്ക് പരുക്കേറ്റിട്ടുണ്ട്.