വാഷിങ്ടണ്‍: പ്രതിഷേധക്കാരെ ആക്രമിക്കാന്‍ ട്രംപ് നിര്‍ദേശം നല്‍കിയെന്ന ആരോപണത്തില്‍ ട്രംപിനെതിരേ കേസെടുക്കാനാകില്ലെന്ന് അഭിഭാഷകര്‍ കോടതിയെ അറിയിച്ചു. ട്രംപ് പ്രസിഡന്റാണെന്നും വിവേചനാധികാരമുള്ളതിനാല്‍ കേസെടുക്കാനാകില്ലെന്നും ട്രംപിന്റെ അഭിഭാഷകന്‍ കോടതിയില്‍ പറഞ്ഞു.
2016 മാര്‍ച്ചില്‍ ലൂയിസ് വില്ലെയില്‍ പ്രതിഷേധിച്ച തങ്ങളെ ആക്രമിക്കാന്‍ ട്രംപ് അനുയായികളോട് ആവശ്യപ്പെട്ടെന്ന് പരാതിപ്പെട്ട് മൂന്ന് പേര്‍ നല്‍കിയ ഹരജിയിലാണ് ട്രംപിന്റെ അഭിഭാഷകരുടെ വാദം. പരാതിയിലെ ആരോപണങ്ങളെല്ലാം ട്രംപിന്റെ അഭിഭാഷകര്‍ തള്ളി .