പേരാമ്പ്ര: നൊച്ചാട് ഹയര്‍ സെക്കന്‍ഡറിയില്‍ നിന്ന് ദേശീയ മെഡിക്കല്‍ പ്രവേശന പരീക്ഷകളായ നീറ്റ്, എയിംസ്, കീം എന്നിവയില്‍ ഉയര്‍ന്ന റാങ്കുകള്‍ കരസ്ഥമാക്കിയ നിഹാല്‍ അമീന്‍, അശ്വിന്‍ എസ് എന്നിവര്‍ക്കും ദേശീയ ഫിലിം അവാര്‍ഡ് ജേതാവും നൊച്ചാട് ഹയര്‍ സെക്കന്‍ഡറി പൂര്‍വ വിദ്യാര്‍ഥിയുമായ സനല്‍ ജോര്‍ജിനും നൊച്ചാട് ഹയര്‍ സെക്കന്‍ഡറി സ്റ്റാഫ് കൗണ്‍സിലിന്റെ നേതൃത്വത്തില്‍ സ്വീകരണം നല്‍കി.
ദേശീയ ഫിലിം അവാര്‍ഡ് ജേതാവ് സനല്‍ ജോര്‍ജ് ഉദ്ഘാടനം ചെയ്തു.
പ്രിന്‍സിപ്പല്‍ സി.അബ്ദുറഹ്മാന്‍ അധ്യക്ഷനായി. സഊദി കിങ് അബ്ദുല്‍ അസീസ് യൂണിവേഴ്‌സിറ്റി പ്രൊഫസര്‍ ഡോ:ഇസ്മയില്‍ മരുതേരി മുഖ്യ പ്രഭാഷണം നടത്തി.
മെഡിസിനു ചേര്‍ന്ന വിദ്യാര്‍ഥികള്‍ക്കുള്ള സ്‌റ്റെതസ്‌കോപ്പുകള്‍ അധ്യാപകരായ ആര്‍. രാജശ്രീ , കെ.എം. യൂനുസ് സമര്‍പ്പിച്ചു. ടി. മുഹമ്മദ്, കെ.വി അബു, പി.എം സൗദ, വി.പി ജൗഹര്‍ സംസാരിച്ചു.