കുന്ദമംഗലം: സമന്വയ വിദ്യഭ്യാസരംഗത്ത് സമസ്ത വിപ്ലവകരമായ പുരോഗതിയാണ് തീര്‍ത്തതെന്ന് സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍. മുക്കം ദാറുസ്വലാഹ് ഇസ്‌ലാമിക് അക്കാദമിയുടെ ആഭിമുഖ്യത്തില്‍ ചൂലാംവയലില്‍ ആരംഭിച്ച ജൂനിയര്‍ കോളജ് ഉദ്ഘാടനം നിര്‍വഹിച്ച് സമസാരിക്കുകയായിരുന്നു തങ്ങള്‍.
സമസ്ത കേന്ദ്ര മുശാവറ അംഗം വാവാട് കുഞ്ഞിക്കോയ മുസ്‌ലിയാര്‍ പ്രാര്‍ഥന നടത്തി. ദാറുസ്വലാഹ് പ്രിന്‍സിപ്പല്‍ ഉമര്‍ ഫൈസി മുക്കം അധ്യക്ഷനായി. ദാറുസ്വലാഹ് ജന. സെക്രട്ടറി സലാം ഫൈസി മുക്കം കോഴ്‌സ് വിശദീകരിച്ചു. അസ്മി സംസ്ഥാന സെക്രട്ടറി നവാസ് ദാരിമി ഓമശ്ശേരി, ഖാലിദ് കിളിമുണ്ട, ദാറുസ്വലാഹ് മാനേജര്‍ നടുക്കണ്ടി അബൂബക്കര്‍, ഹുസൈന്‍ ബാഖവി അമ്പലക്കണ്ടി, അഹമ്മദ്കുട്ടി ബാഖവി വാവാട്, അബ്ദുന്നാസര്‍ മൗലവി മേലാറ്റൂര്‍, ഒ. ഹുസൈന്‍, ഹാഫിള് വദൂദ് ഈങ്ങാപ്പുഴ, എ.കെ ഹുസൈന്‍ ഹാജി, ദീവാര്‍ ഹുസൈന്‍ ഹാജി, ശഫീഖ് മിഫ്താനി, ശിഹാബുദ്ദീന്‍ മദനി, റഫീഖ് ഫൈസി മണ്ണാര്‍ക്കാട്, ആശിഖ് അസ്‌ലമി വേളം, എ.കെ ഇബ്രാഹിം സംസാരിച്ചു. മഹല്ല് ജനറല്‍ സെക്രട്ടറി പി. മൊയ്തീന്‍ സ്വാഗതവും പി. കോയ മാസ്റ്റര്‍ നന്ദിയും പറഞ്ഞു.