ലണ്ടന്‍: ഇംഗ്ലീഷ് പ്രീമിയര്‍ ലീഗില്‍ ചെല്‍സിയെ സ്വന്തം തട്ടകത്തില്‍ വീഴ്ത്തി മാഞ്ചസ്റ്റര്‍ യുനൈറ്റഡ് കരുത്ത് കാട്ടി. മറുപടിയില്ലാത്ത രണ്ടു ഗോളുകള്‍ക്കാണ് കിരീടത്തിലേക്ക് കുതിക്കുന്ന ചെല്‍സി തോല്‍വി വഴങ്ങിയത്. ഏഴാം മിനുട്ടില്‍ റാഷ്‌ഫോര്‍ഡും 49ാം മിനുട്ടില്‍ ആന്‍ഡര്‍ ഹെരേരയും മാഞ്ചസ്റ്ററിനായി വല ചലിപ്പിച്ചു. ജയത്തോടെ എവര്‍ട്ടനെ പിന്തള്ളി മാഞ്ചസ്റ്റര്‍ അഞ്ചാം സ്ഥാനത്തേക്ക് കയറി.
നേരത്തെ നടന്ന മത്സരങ്ങളില്‍ മാഞ്ചസ്റ്റര്‍ സിറ്റി, ലിവര്‍പൂള്‍ ടീമുകള്‍ വിജയം സ്വന്തമാക്കി. മാഞ്ചസ്റ്റര്‍ സിറ്റി സതാംപ്ടനെ 3-0ത്തിനും ലിവര്‍പൂള്‍ 1-0ത്തിന് വെസ്റ്റ് ബ്രോംവിചിനേയും കീഴടക്കി. ജയത്തോടെ ലിവര്‍പൂള്‍ മൂന്നാമതും മാഞ്ചസ്റ്റര്‍ സിറ്റി നാലാം സ്ഥാനത്തും.