കോഴിക്കോട്: ദേശീയ സബ് ജൂനിയര്‍ ഫുട്‌ബോള്‍ ചാംപ്യന്‍ഷിപ്പില്‍ ഇന്നലെ നടന്ന മത്സരത്തില്‍ ഡല്‍ഹി ഒന്നിനെതിരേ രണ്ട് ഗോളുകള്‍ക്ക് തമിഴ്‌നാടിനെ പരാജയപ്പെടുത്തി. ഡല്‍ഹിക്ക് വേണ്ടി 25ാം മിനുട്ടിലും 75ാം മിനുട്ടിലും അഷു ഇരട്ട ഗോളുകള്‍നേടി. തമിഴ്‌നാടിന് വേണ്ടി 48ാം മിനുട്ടില്‍ ലോകേഷ് ആദിത്യ ആശ്വാസ ഗോള്‍ നേടി. ഇന്നലെ ആദ്യ മത്സരത്തില്‍ നിലവിലെ ജേതാക്കളായ പശ്ചിമ ബംഗാളും ഗോവയും ഗോള്‍രഹിത സമനിലയില്‍ പിരിഞ്ഞു. ഇന്ന് രാവിലെ 7.30ന് നടക്കുന്ന ആദ്യ മത്സരത്തില്‍ ഉത്തര്‍പ്രദേശ് മിസോറമിനേയും വൈകിട്ട് 4.30ന് ഒഡിഷ മധ്യപ്രദേശിനേയും നേരിടും.