ബാരാമുല്ല: പി.ഡി.പി അധ്യക്ഷ മെഹബൂബ മുഫ്തിക്കെതിരേ വിമര്‍ശനവുമായി നാഷനല്‍ കോണ്‍ഫറന്‍സ് നേതാവും കശ്മിര്‍ മുന്‍ മുഖ്യമന്ത്രിയുമായ ഒമര്‍ അബ്ദുല്ല.

ബി.ജെ.പിയുമായി ചേര്‍ന്ന് മെഹബൂബ മുഫ്തി സര്‍ക്കാരുണ്ടാക്കിയതിനെതിരേ രൂക്ഷമായ വിമര്‍ശനമാണ് അദ്ദേഹം ഉന്നയിച്ചത്.
കശ്മിരിലേക്ക് ആരാണ് ബി.ജെ.പിയേയും ആര്‍.എസ്.എസിനേയും കൊണ്ടുവന്നത്. ആരാണ് സംസ്ഥാനത്ത് ഇവര്‍ക്ക് പ്രവേശനം നല്‍കിയത്.

കശ്മിരികളുടെ കാര്യത്തില്‍ മെഹബൂബയ്ക്ക് ഒരു തരത്തിലുള്ള അനുകമ്പയുമില്ല.
വോട്ടിനുവേണ്ടി അവര്‍ മുതലക്കണ്ണീരൊഴുക്കുകയാണ്. ബി.ജെ.പി പിന്തുണ പിന്‍വലിച്ചതിനെ തുടര്‍ന്ന് സര്‍ക്കാര്‍ നിലംപതിക്കുന്നതിലായിരുന്നു മെഹബൂബയുടെ വിലാപം.
ജനങ്ങളുടെ വോട്ടിന്റെ മൂല്യമാണ് അവരുടെ കണ്ണുനീരെന്നും ബാരാമുല്ലയില്‍ നടന്ന തെരഞ്ഞെടുപ്പ് റാലിയില്‍ അദ്ദേഹം ആരോപിച്ചു.