നെടുമങ്ങാട് : കെ.എസ്.ആര്‍.ടി.സി ബസ് സ്റ്റാന്‍ഡില്‍
വയോധികന്‍ കുഴഞ്ഞു വീണ് മരിച്ചു.
വലിയവിള തിരുമല പണ്ടാരവിളാകം മൈത്രി ലൈനില്‍ കൃഷ്ണന്‍കുട്ടി ചെട്ടിയാര്‍ (75)ആണ് മരിച്ചത്.ഇന്നലെ വൈകുന്നേരം നെടുമങ്ങാട് കെ.എസ്.ആര്‍.ടി.സി ബസ് സ്റ്റാന്‍ഡിലാണ് സംഭവം.
നെടുമങ്ങാട് ടൗണിലെ ചുമട്ടു തൊഴിലാളിയായിരുന്ന ഇയാള്‍ പെന്‍ഷന്‍ സംബന്ധമായ ആവശ്യത്തിന് നെടുമങ്ങാട് വന്നശേഷം തിരികെ മടങ്ങാനായി എത്തിയപ്പോഴാണ് തളര്‍ന്നു വീണത്.ഉടനെ ജില്ലാ ആശുപത്രിയില്‍ എത്തിച്ചെങ്കിലും മരിച്ചു. മൃതദേഹം ജില്ലാ ആശുപത്രി  മോര്‍ച്ചറിയില്‍.