തിരുവനന്തപുരം: സംസ്ഥാന കാര്‍ഷിക വികസന കര്‍ഷക ക്ഷേമ വകുപ്പ് നടപ്പിലാക്കുന്ന സമഗ്ര പച്ചക്കറി കൃഷി വികസന പദ്ധതിയുടെ സംസ്ഥാനതല ഉദ്ഘാടനം ഇന്ന് ഉച്ചയ്ക്ക് 2.30ന് പട്ടം സെന്റ് മേരീസ് ഹൈസ്‌കൂളില്‍ കൃഷി മന്ത്രി വി.എസ് സുനില്‍കുമാര്‍ നിര്‍വഹിക്കും. ശശി തരൂര്‍ എം. പി, കെ മുരളീധരന്‍ എം. എല്‍. എ വകുപ്പ് ഡയരക്ടര്‍ അശോക് കുമാര്‍ തെക്കന്‍, കോര്‍പറേഷന്‍ മേയര്‍ വി. കെ. പ്രശാന്ത്, ജില്ലാ പഞ്ചായത്ത് പ്രസിഡന്റ് വി. കെ മധു തുടങ്ങിയവര്‍ പങ്കെടുക്കും.