മുക്കം: പന്നിക്കോട് എ.യു.പി സ്‌കൂളില്‍ 'ഒപ്പം, ഒപ്പത്തിനൊപ്പം' പദ്ധതിക്ക് തുടക്കമായി. മുഴുവന്‍ വിദ്യാര്‍ഥികളെയും പാഠ്യ, പാഠ്യേതര രംഗത്ത് ഉന്നതനിലവാരമുള്ളവരാക്കി മാറ്റുക എന്ന ലക്ഷ്യത്തോടെയാണ് പരിപാടി സംഘടിപ്പിച്ചത്.
പഠന, കല, കായിക രംഗത്തെ ഗുണഫലം മുഴുവന്‍ വിദ്യാര്‍ഥികളിലേക്കും എത്തിക്കുക എന്നതാണ് പദ്ധതി കൊണ്ട് ഉദ്ദേശിക്കുന്നതെന്ന് അധ്യാപകര്‍ പറഞ്ഞു. ഇതിന്റെ ഭാഗമായി പഠന വീടുകള്‍, കായിക പരിശീലനം, സ്‌കൂള്‍ ക്ലബുകളുടെ നേതൃത്വത്തില്‍ വിവിധങ്ങളായ പരിപാടികള്‍ തുടങ്ങിയവ ആസൂത്രണം ചെയ്തിട്ടുണ്ട്. പരിപാടി മുക്കം പ്രസ് ഫോറം പ്രസിഡന്റ് സി. ഫസല്‍ ബാബു ഉദ്ഘാടനം ചെയ്തു.
പി.ടി.എ വൈസ് പ്രസിഡന്റ് ബഷീര്‍ പാലാട്ട് അധ്യക്ഷനായി. പ്രധാനാധ്യാപിക കെ.കെ ഗംഗ, പി.കെ ഹക്കീം, ഫലീല, സുലൈഖ പൊലുകുന്നത്ത്, വി.പി ഗീത, ഐ. ശങ്കരനാരായണന്‍, പി.എം ഗൗരി, സുഭഗ ഉണ്ണികൃഷ്ണന്‍, രമ്യ സുമോദ്, റീജ, സജിത, വി.പി റസ്‌ല സംസാരിച്ചു.