കോഴിക്കോട്: നിപാ നിയന്ത്രണം സാധ്യമാക്കുന്നതിന് നിസ്തുല സേവനം നടത്തിയവരെ ആദരിക്കുന്ന സംസ്ഥാന ആരോഗ്യവകുപ്പിന്റെ ചടങ്ങില്‍ ഇന്‍ഫര്‍മേഷന്‍ ആന്‍ഡ് പബ്ലിക് റിലേഷന്‍സ് വകുപ്പിനെയും ആദരിച്ചു. ജില്ലാ ഇന്‍ഫര്‍മേഷന്‍ ഓഫിസര്‍ എം. മധുസൂദനന്‍, മലപ്പുറം ജില്ലാ ഇന്‍ഫര്‍മേഷന്‍ ഓഫിസര്‍ സി. അയ്യപ്പന്‍ എന്നിവര്‍ പുരസ്‌കാരം ഏറ്റുവാങ്ങി. ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പ് കോഴിക്കോട് നിപാ മീഡിയ സെല്‍ രൂപീകരിച്ച് മാധ്യമമാനേജ്‌മെന്റും ബോധവല്‍ക്കരണവും നടത്താന്‍ നേതൃത്വം നല്‍കിയിരുന്നു.