കാക്കവയല്‍: മണ്ണിടിഞ്ഞ് കാടുമൂടിയതിനാല്‍ വെള്ളം കെട്ടി കിടന്നിരുന്ന ഡ്രൈനേജ് വൃത്തിയാക്കി തെനേരി മഹല്ല് കമ്മിറ്റി.
ഡ്രൈനേജില്‍ നൂറ് മീറ്ററോളം ദൂരം മണ്ണിടിഞ്ഞതിനാല്‍ വെള്ളമൊഴുകുന്നില്ലെന്ന് മാസങ്ങള്‍ക്കുമുമ്പെ ബന്ധപ്പെട്ടവരെ വിവരമറിയിച്ചിരുന്നു. കാരാപ്പുഴ റോഡിനോട് ചേര്‍ന്ന് മസ്ജിദിന് സമീപത്തായുള്ള ഡ്രൈനേജിലൂടെ വെള്ളമൊഴുകാതെ കിടന്നത് രോഗങ്ങള്‍ക്കുകാരണമാകുമെന്ന് കണ്ടാണ് മഹല്ലു കമ്മിറ്റി ഡ്രൈനേജിലെ മണ്ണ് മാറ്റി വൃത്തിയാക്കണമെന്ന് ബന്ധപ്പെട്ടവരെ അറിയിച്ചത്.
എന്നാല്‍ ഒരു നടപടിയുമുണ്ടാകാത്തതിനാല്‍ മഹല്ലുകമ്മിറ്റിയംഗങ്ങള്‍ ഹിറ്റാച്ചിയുപയോഗിച്ച് ഡ്രൈനേജ് വൃത്തിയാക്കുകയായിരുന്നു. സെക്രട്ടറി മാഹിന്‍കുട്ടി, എം അബ്ദുല്‍റഹിമാന്‍, എന്‍. അബൂബക്കര്‍ നേതൃത്വം നല്‍കി.