ന്യൂഡല്‍ഹി: നിലവില്‍ ലോകത്തിലെ ഏറ്റവും ഉയരം കൂടിയ കെട്ടിടമായ ബുര്‍ജ് ഖലീഫയെക്കാള്‍ ഉയരം കൂടിയ കെട്ടിടം മുംബൈയില്‍ നിര്‍മിക്കുമെന്ന് കേന്ദ്രമന്ത്രി നിധിന്‍ ഗഡ്കരി. മുംബൈയില്‍ നടന്ന ഒരു സ്വകാര്യ ചടങ്ങിലാണ് മന്ത്രി തന്റെ സ്വപ്‌നം പങ്കുവെച്ചത്.

ഞാനിതൊരു പ്രഖ്യാപനം നടത്തുകയല്ല, എന്റെ സ്വപ്‌നം പങ്കുവെക്കുകയാണ്. ബുര്‍ജ് ഖലീഫയെക്കാള്‍ ഉയരത്തില്‍ ഒരു കെട്ടിടം മുംബൈയുടെ തീരത്ത് പണിയണം. അത് ഛത്രപതി ശിവജി മഹാരാജാവിന്റെ പേരില്‍ അറിയപ്പെടണം. അദ്ദേബം പറഞ്ഞു.

കണ്‍വെന്‍ഷന്‍ സെന്ററുകള്‍. റസ്റ്ററന്റുകള്‍, ഹോട്ടലുകള്‍, മാളുകള്‍ ഭൂഗര്‍ഭ പാര്‍ക്കിങ് സംവിധാനവും ടവറിലുണ്ടാകും.

ആന്തമാനിനെയും മൗറീഷ്യസിലേയും പോലെ മുംബൈ തീരത്തെ വൃത്തിയുള്ളതാക്കുമെന്നും അദ്ദേഹം പറഞ്ഞു.

2010 ജനുവരിയില്‍ ഉദ്ഘാടനം ചെയ്ത ബുര്‍ജ് ഖലീഫയ്ക്ക് 829.8 മീറ്ററാണ് ഉയരം.