നടുവണ്ണൂര്‍: അമിതവേഗതയില്‍ ഓടിച്ചു വന്ന കാര്‍ നിയന്ത്രണം വിട്ടു മറിഞ്ഞു. യാത്രക്കാരായ മൂന്നു യുവാക്കള്‍ അത്ഭുതകരമായി രക്ഷപ്പെട്ടു. ഇന്നലെ വൈകിട്ട് മൂന്നിന് കരുണ്ണൂര്‍ അങ്ങാടിക്കടുത്താണ് അപകടം. പേരാമ്പ്ര ഭാഗത്തു നിന്നു വരികയായിരുന്നു സ്വിഫ്റ്റ് കാര്‍ ആണ് അപകകടത്തില്‍പ്പെട്ടത്.
പുതിയപ്പുറം കയറ്റം ഇറങ്ങി വരുമ്പോള്‍ നിയന്ത്രണം വിട്ട വാഹനം നടുവിലാട്ട് വീടിന്റെ ചുറ്റുമതിലില്‍ ഇടിക്കുകയും തുടര്‍ന്നു റോഡരികിലെ തെങ്ങില്‍ ഇടിച്ചു റോഡിലേക്കു മറിയുകയായിരുന്നു. അമിതവേഗതയില്‍ വരുന്ന കാറ് കണ്ടു റോഡിന്റെ ഓരം ചേര്‍ന്നു നടന്നു വരികയായിരുന്നു മൂന്നു പേര്‍ റോഡില്‍ നിന്നും ചാടി രക്ഷപെട്ടതു കാരണം വന്‍ അപകടം ഒഴിവായി.
ഇടിയുടെ ആഘാതത്തില്‍ കാറ് പൂര്‍ണമായും തകര്‍ന്നു. നാട്ടുകാര്‍ ഓടി കൂടി വാഹനം പൊളിച്ചാണ് യാത്രക്കാരെ പുറത്തെടുത്തത്. പേരാമ്പ്ര പൊലിസ് സ്ഥലത്തെത്തി. അപകടത്തില്‍പ്പെട്ട കാറില്‍ നിന്നു അമിത ശബ്ദത്തില്‍. സംഗീതം കേള്‍ക്കാമായിരുന്നു. യുവാക്കള്‍ കുറ്റ്യാടി ഭാഗത്തു നിന്നും കാറ് വാടകക്കെടുത്തു വരികയാണെന്ന് സംശയിക്കുന്നു.