കോഴിക്കോട്: നിലപാടുകളുടെ കരുത്ത്, വ്യതിയാനങ്ങളുടെ തിരുത്ത് എന്ന പ്രമേയത്തില്‍ എസ്.കെ.എസ്.എസ്.എഫ് ജില്ല പ്രതിനിധി സമ്മേളനം ഏപ്രില്‍ ഒന്നിന് രാവിലെ ഒന്‍പതിന് കണ്ടംകുളം ജൂബിലി ഹാളില്‍ സമസ്ത കേരള ജംഇയ്യത്തുല്‍ ഉലമ പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുകോയ തങ്ങള്‍ ഉദ്ഘാടനം ചെയ്യും.
ശാഖ പ്രസിഡന്റ്, സെക്രട്ടറി, ട്രഷറര്‍ എന്നിര്‍ സംബന്ധിക്കുന്ന സംഗമത്തില്‍ മികച്ച മേഖലകള്‍ക്ക് പാണക്കാട് സയ്യിദ് ഹമീദലി ശിഹാബ് തങ്ങള്‍ ഉപഹാരം സമര്‍പ്പിക്കും. സംഘടന, സംഘാടനം, ആദര്‍ശം എന്നീ സെഷനുകളില്‍ സത്താര്‍ പന്തലൂര്‍, റഹീം ചുഴലി, അബ്ദുല്‍ ഹമീദ് ഫൈസി അമ്പലക്കടവ്, നാസര്‍ ഫൈസി കൂടത്തായി എന്നിവര്‍ വിഷയം അവതരിപ്പിക്കും.
ഉമര്‍ ഫൈസി മുക്കം, മുസ്തഫ മുണ്ടുപാറ, സി.എച്ച് മഹ്മൂദ് സഅദി, ഹസൈനാര്‍ ഫൈസി, സലാം ഫൈസി മുക്കം, സയിദ് മിസ്ബാഹ് തങ്ങള്‍ എന്നിവര്‍ സംസാരിക്കും.