കാസര്‍കോട്: ഇന്ത്യന്‍ മെഡിക്കല്‍ അസോസിയേഷന്‍ സംസ്ഥാന ഘടകം ഡോക്ടേഴ്‌സ് ദിനമായ ഇന്നലെ സംസ്ഥാനത്തെ ജില്ലാ ജനറല്‍ ആശുപത്രികള്‍ക്ക് പതിനഞ്ച് ലക്ഷം രൂപയുടെ മെഡിക്കല്‍ ഉപകരണങ്ങള്‍ വിതരണം ചെയ്തു. ചടങ്ങിന്റെ ഭാഗമായി ജില്ലാ ഐ.എം.എ കാസര്‍കോട് ജനറല്‍ ആശുപത്രിയില്‍ ഒരു ലക്ഷം രൂപയുടെ ചികിത്സാ ഉപകരണങ്ങള്‍ നല്‍കി.
എന്‍.എ നെല്ലിക്കുന്ന് എം.എല്‍.എ ഉദ്ഘാടനം ചെയ്തു. ചടങ്ങില്‍ ഡോ. പി. കൃഷ്ണന്‍ അധ്യക്ഷനായി. മുനിസിപ്പല്‍ ചെയര്‍പേഴ്‌സന്‍ ബീഫാത്തിമ ഇബ്രാഹിം മുഖ്യാതിഥിയായി. ജനറല്‍ ആശുപത്രി സൂപ്രണ്ട് ഡോ. കെ.കെ രാജാറാം ഡോക്ടേഴ്‌സ് ദിന സന്ദേശം നല്‍കി. ഐ.എം.എ ബ്രാഞ്ച് പ്രസിഡന്റ് മഞ്ജുനാഥ ഷെട്ടി, കെ.ജി.എം.ഒ.എ സംസ്ഥാന വൈസ് പ്രസിഡന്റ് ഡോ. ജമാല്‍ അഹമ്മദ്, ഡോ. പി. കൃഷ്ണ നായ്ക്, ഡോ. അബ്ദുല്‍ സത്താര്‍, ചന്ദ്രഗിരി ലയണ്‍സ് പ്രസിഡന്റ് ഫാറൂഖ് കാസ്മി, നഴ്‌സിങ് സൂപ്രണ്ട് സുകുമാരി, പേഷ്യന്റ് കെയര്‍ ജില്ലാ പ്രതിനിധി ഡോ. സുരേഷ് ബാബു, ജില്ലാ കോഡിനേറ്റര്‍ ഡോ, സി.എച്ച് ജനാര്‍ദ്ദന നായ്ക് സംസാരിച്ചു.