നീലേശ്വരം: അരനൂറ്റാണ്ടുകാലമായി നീലേശ്വരത്ത് ആതുരസേവന രംഗത്ത് പ്രവര്‍ത്തിച്ചുവരുന്ന തമ്പുരാന്‍ ഡോക്ടര്‍ എന്നറിയപ്പെടുന്ന, ഡോ. കെ.സി.കെ രാജയെ ഡോക്ടേഴ്‌സ് ദിനത്തില്‍ ആദരിച്ചു. നീലേശ്വരം രാജകുടുംബാംഗമായ ഡോ. കെ.സി.കെ രാജ 1971 മുതല്‍ രാജാ റോഡിലെ രാജാസ് ക്ലിനിക്ക് കേന്ദ്രമാക്കി ആതുരസേവനം നടത്തിവരികയാണ്.
നീലേശ്വരം രാജാസ് ഹയര്‍ സെക്കന്‍ഡറി സ്‌കൂള്‍ 1987-88 ബാച്ച് പൂര്‍വ വിദ്യാര്‍ഥി സംഘടനയുടെ ആഭിമുഖ്യത്തില്‍ സംഘടിപ്പിച്ച ഡോക്ടേഴ്‌സ് ദിനാചര പരിപാടിയില്‍ പ്രസിഡന്റ് നന്ദകുമാര്‍ കോറോത്ത് ഡോ. കെ.സി.കെ രാജയെ പൊന്നാടയണിയിച്ച് ആദരിച്ചു.
നന്ദകുമാര്‍ കോറോത്ത് അധ്യക്ഷനായി. കെ.വി സുനില്‍ രാജ്, പി. രാജേഷ് കുമാര്‍, പി. പരമേശ്വരി സംസാരിച്ചു.