തിരുവനന്തപുരം: മുന്നണി വിപുലീകരണമെന്ന സി.പി.എമ്മിന്റെ ആശയം പരാജയഭീതി കൊണ്ടാണെന്നും എങ്ങനെയും അധികാരത്തില്‍ കടിച്ചുതൂങ്ങാനാണ് ശ്രമമെന്നും കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രന്‍. മാധ്യമപ്രവര്‍ത്തകരുടെ ചോദ്യങ്ങള്‍ക്ക് മറുപടി പറയുകയായിരുന്നു അദ്ദേഹം. പിണറായി സര്‍ക്കാരിന്റെ ബാക്കിപത്രം ശൂന്യമാണ്. അവസരവാദ രാഷ്ട്രീയമാണ് സി.പി.എമ്മിന്റേത്. കേരള കോണ്‍ഗ്രസിലെ ഇരുവിഭാഗവും യു.ഡി.എഫിന്റെ ഭാഗമാണെന്നും അവരുമായി സഹകരിച്ച് മുന്നോട്ടുപോകുമെന്നും മുല്ലപ്പള്ളി പറഞ്ഞു.