അഹമദാബാദ്: പശുത്തോല്‍ കച്ചവടം നടത്തിയെന്നാരോപിച്ച് ഗുജറാത്തില്‍ നാലു യുവാക്കളെ നഗ്നരാക്കി കാറിനോട് കെട്ടി തല്ലിച്ചതച്ചു. പശു സംരക്ഷക സേനയുടെ ആളുകളാണ് ക്രൂരമര്‍ദനം നടത്തിയത്. ഇതിന്റെ ദൃശ്യങ്ങള്‍ പുറത്തുവന്നതോടെ മൂന്ന് അക്രമികളെ പൊലിസ് അറസ്റ്റ് ചെയ്തു. അഹമ്മദാബാദില്‍ നിന്ന് 400 കിലോമീറ്റര്‍ അകലെയുള്ള ഗിര്‍ സോംനാഥിലാണ് സംഭവം. ചൊവ്വാഴ്ച രാവിലെയായിരുന്നു മര്‍ദനത്തിന്റെ വീഡിയോ അക്രമികള്‍ തന്നെ ഇന്റര്‍നെറ്റില്‍ അപ്‌ലോഡ് ചെയ്തത്. തുകല്‍ വ്യവസായവുമായി ബന്ധപ്പെട്ട് ജോലി ചെയ്യുന്ന യുവാക്കളാണ് മര്‍ദനത്തിനിരയായത്. എവിടെനിന്ന് പശുത്തോല്‍ ലഭിച്ചെന്ന് ചോദിച്ചായിരുന്നു ക്രൂരമര്‍ദനം.