പട്ടാമ്പി: പാലക്കാട് ജില്ലയിലെ ആദ്യത്തെ ശീതികരിച്ച മാതൃകാ അങ്കണവാടി നാടിന് സമര്‍പിച്ചു.  നാഗലശ്ശേരി പഞ്ചായത്തിലെ പിലാക്കാട്ടിരിയിലാണ്. വി.ടി ബല്‍റാം എം.എല്‍.എയുടെ പ്രത്യേക വികസന ഫണ്ടില്‍നിന്ന് അനുവദിച്ച 16.5 ലക്ഷം രൂപ ഉപയോഗിച്ച് നിര്‍മിച്ചിരിക്കുന്നത്.
ശീതീകരിച്ച ക്ലാസ്‌റൂം, വിശാലമായ കെട്ടിടം, ടെയില്‍സ് വിരിച്ച മുറ്റം, സുരക്ഷിതമായ കളിസ്ഥലം, കുട്ടികള്‍ക്ക് കളിക്കുവാന്‍ അനുയോജ്യമായ ഉപകരണങ്ങള്‍ തുടങ്ങിയ സൗകര്യങ്ങളുണ്ട്.
സിമന്റും മണലും പരമാവധി കുറച്ച് കേന്ദ്രസര്‍ക്കാര്‍ പൊതുമേഖലാ ഏജന്‍സി ആയ എഫ്.ആര്‍.ബി.എല്‍ നൂതന നിര്‍മാണ പ്രക്രിയയിലൂടെ ആണ് കെട്ടിടം നിര്‍മിച്ചിട്ടുള്ളത്.