കുന്നംകുളം: കുന്നംകുളം നഗരത്തിന് സമീപം പിഞ്ചു ബാലികമാരെ പതിനാറു വയസുകാരന്‍ ലൈംഗികമായി പീഡിപ്പിച്ചതായി പരാതി.
അയല്‍വാസിയായ പതിനാറുകാരനാണ് പ്രദേശത്തുള്ള പിഞ്ചുബാലികമാരെ പീഡിപ്പിച്ചതായി പറയുമന്നത്. അടുത്തിടെയായി കുട്ടികളുടെ പെരുമാറ്റത്തില്‍ വന്ന വ്യത്യാസം ശ്രദ്ധയില്‍പ്പെട്ട വീട്ടുകാര്‍ കുട്ടികളോട് കാര്യം തിരക്കുകയായിരുന്നു. കുട്ടികളില്‍ നിന്ന് പീഡനവിവരം തിരിച്ചറിഞ്ഞ വീട്ടുകാര്‍ ഉടന്‍തന്നെ ചൈല്‍ഡ് ലൈന്‍ പ്രവര്‍ത്തകരുമായി ബന്ധപ്പെടുകയായിരുന്നു. തുടര്‍ന്ന് ചൈല്‍ഡ് ലൈന്‍ പ്രവര്‍ത്തകരുടെ സഹായത്തോടെ കുട്ടികള്‍ക്ക് കൗണ്‍സിലിങ് നടത്തി. ഇതോടെ പീഡനത്തെ സംബന്ധിച്ച വിവരങ്ങളും പ്രതിയായ പതിനാറുകാരനെയും തിരിച്ചറിയുകയായിരുന്നു.
പീഡന വിവരം പുറത്തറിഞ്ഞതോടെ ഉന്നത തലത്തില്‍ നിന്ന് കേസ് ഒതുക്കി തീര്‍ക്കാനുള്ള ശ്രമങ്ങള്‍ നടന്നതായി പറയുന്നു. തുടര്‍ന്ന് ചൈല്‍ഡ് ലൈന്‍ പ്രവര്‍ത്തകര്‍ കുന്നംകുളം പൊലിസില്‍ പരാതി നല്‍കി.