വാടാനപ്പള്ളി : ഏങ്ങണ്ടിയൂര്‍ ഗ്രാമപഞ്ചായത്ത് ബാല പഞ്ചായത്തിന്റെ നേതൃത്വത്തില്‍ വായനാ വാരാചരണത്തിന്റെ ഭാഗമായി കുട്ടികളില്‍ വായനാശീലം പ്രോത്സാഹിപ്പിക്കുന്നതിനായി ഏകദിന പഠന ശില്‍പശാല സംഘടിപ്പിച്ചു.
അനുസ്മരണ സദസ്, വായനാ മത്സരം, പ്രശ്‌നോത്തരി , കവിതാപാരായണം സംഘടിപ്പിച്ചു. ഏങ്ങണ്ടിയൂര്‍ ഗ്രാമപഞ്ചായത്തു ഹാളില്‍ നടന്ന ചടങ്ങ് ഗ്രാമപഞ്ചായത്ത് പ്രസിഡന്റ് ഉദയ് തോട്ടപ്പുള്ളി ഉദ്ഘാടനം ചെയ്തു. ഗ്രാമ പഞ്ചായത്ത് വൈസ് പ്രസിഡന്റ് സി.ബി ഭാരതി അധ്യക്ഷയായി.
ബാല പഞ്ചായത്ത് സെക്രട്ടറി കെ.എസ് ദേവിക ആമുഖ പ്രഭാഷണം നടത്തി. വി.എസ് അഞ്ജലി കൃഷ്ണ പി.എന്‍ പണിക്കര്‍ അനുസ്മരണവും പി.ടി.യു ധനലക്ഷ്മി ഐ.വി ദാസ് അനുസ്മരണ പ്രഭാഷണവും നടത്തി. പി.എന്‍ ജോതി ലാല്‍, ആരോഗ്യ, വിദ്യഭ്യാസ സ്റ്റാന്റിങ് കമ്മിറ്റി ചെയര്‍പേഴ്‌സണ്‍ ഇന്ദിര സുധീര്‍, പഞ്ചായത്തംഗങ്ങളായ ഇര്‍ഷാദ് കെ. ചേറ്റുവ, ഒ.കെ പ്രൈസണ്‍ പഞ്ചായത്ത് ജൂനിയര്‍ സൂപ്രണ്ട് ടി.ഡി പരമേശ്വരന്‍, ബാല പഞ്ചായത്ത് പ്രസിഡന്റ് പി.ടി.യു ധനലക്ഷ്മി, ബാലസഭ വൈസ് പ്രസിഡന്റ് കെ.യു ശ്രീരാഗ് സംസാരിച്ചു. മത്സര വിജയികള്‍ക്ക് പുരസ്‌ക്കാര വിതരണവും നടന്നു.