പെരുമ്പാവൂര്‍: എക്‌സൈസ് നെല്ലാട് ഭാഗത്ത് നടത്തിയ പരിശോധനയില്‍ ഡ്രൈഡേ ദിനത്തില്‍ മദ്യവില്‍പന നടത്തുകയായിരുന്ന കുന്നത്ത്‌നാട് താലൂക്കില്‍ മഴുവന്നൂര്‍ വില്ലേജില്‍ നെല്ലാട് സ്വദേശി കഴക്കുംകരയില്‍ വീട്ടില്‍ ശങ്കരന്‍ മകന്‍ ഷാജി (44) നെയാണ് പെരുമ്പാവൂര്‍ എക്‌സൈസ് അറസ്റ്റ് ചെയ്തത്. ഡ്രൈഡേ ദിനത്തില്‍ വീട്ടില്‍ സൂക്ഷിച്ചിരുന്ന മദ്യം ആവശ്യക്കാര്‍ക്ക് രഹസ്യമായി വീട്ടില്‍ നിന്നും വില്‍പന നടത്തുന്നതിനിടെയാണ് ഇയാള്‍ പിടിയിലായത്.
പിടിയിലായ സമയത്ത് ഇയാളുടെ കൈയില്‍ നിന്നും 14 ലിറ്റര്‍ മദ്യവും മദ്യം വിറ്റ് കിട്ടിയ 2000 രൂപയും പിടിച്ചെടുത്തു. അവധി ദിവസങ്ങളില്‍ തലേന്ന് മദ്യം വാങ്ങി അമിത വിലയ്ക്ക് വില്‍പന നടത്തുകയാണ് ഇയാളുടെ പതിവ്. പിടിയിലായ പ്രതിയെ ഇതിന് മുന്‍പും സമാനമായ കേസില്‍ പിടികൂടിയിട്ടുണ്ട് എക്‌സൈസിന് ലഭിച്ച രഹസ്യവിവരത്തെ തുടര്‍ന്ന് നടത്തിയ പരിശോധനയിലാണ് ഇയാള്‍ പിടിയിലായത്.