ആലത്തൂര്‍: ഇന്ത്യയിലെ കോണ്‍ഗ്രസ് സി.പി.എം അവിശുദ്ധ കൂട്ടുകെട്ടാണ് രാഹുലിന്റെ കേരളത്തിലേക്കുള്ള വരവിനെ തടയിടാന്‍ ശ്രമിക്കുന്നതിനു കാരണമെന്നും സി.പി.എമ്മിന്റെ അക്രമ രാഷ്ട്രീയത്തെ എതിര്‍ക്കാതെ മൗനം പാലിക്കുന്നതും ഈ അവിശുദ്ധത്തിന് തെളിവാണെന്നും ബി.ഡി.ജെ.എസ് സംസ്ഥാന ജനറല്‍ സെക്രട്ടറി ബി. ഗോപകുമാര്‍. എന്‍.ഡി.എ ആലത്തൂര്‍ പാര്‍ലിമെന്റ് മണ്ഡലം ഇലക്ഷന്‍ കണ്‍വെന്‍ഷന്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.  ബി.ജെ.പി ജില്ലാ ജനറല്‍ സെക്രട്ടറി കെ.ജി പ്രദീപ് കുമാര്‍ അധ്യക്ഷനായി. പി.വേണുഗോപാല്‍ മുഖ്യ പ്രഭാഷണം നടത്തി. ബി.ഡി.ജെ.എസ് സംസ്ഥാന വൈസ് പ്രസിഡന്റ് എ.എന്‍ അനുരാഗ്, നാഷണലിസ്റ്റ് കേരള കോണ്‍ഗ്രസ് സംസ്ഥാന സെക്രട്ടറി ഗിര എം. ലക്ഷ്മണന്‍, എ.കെ ഓമനക്കുട്ടന്‍ സംസാരിച്ചു.