റിയാദ്/ദോഹ: സഊദിയില്‍ കൊവിഡ് ബാധിതരുടെ എണ്ണം ഒരു ലക്ഷത്തിലേക്ക്. കഴിഞ്ഞ 24 മണിക്കൂറിനിടെ വൈറസ് ബാധയേറ്റു രാജ്യത്ത് 34 പേര്‍ മരിച്ചതായും 3,121 പേര്‍ക്ക് പുതുതായി വൈറസ് ബാധ സ്ഥിരീകരിച്ചതായും ആരോഗ്യ മന്ത്രാലയം അറിയിച്ചു. ഇതോടെ രാജ്യത്ത് വൈറസ് ബാധയേറ്റുള്ള മരണം 676 ആയും വൈറസ് ബാധിതര്‍ 98,869 ആയും ഉയര്‍ന്നിട്ടുണ്ട്. ഇന്നലെ 1,175 പേര്‍ രോഗമുക്തി നേടി.
ഖത്തറില്‍ ഇന്നലെ കൊവിഡ് ബാധിച്ച് രണ്ടു പേര്‍ കൂടി മരിച്ചു. ഇതോടെ രാജ്യത്തെ ആകെ മരണം 51 ആയി. 1,700 പേര്‍ക്കുകൂടി പുതുതായി വൈറസ് സ്ഥിരീകരിച്ചതായി ആരോഗ്യ മന്ത്രാലയം അറിയിച്ചു.