അഗളി: അട്ടപ്പാടി മേഖലയിലെ മഹല്ലുകളുടെ പുരോഗതി ലക്ഷ്യമാക്കി മേഖലയിലെ മുഴുവന്‍ മഹല്ലുകളിലെയും ഭാരവാഹികളെയും ഖത്തീബ്, മദ്‌റസാ മുഅല്ലിംകള്‍, സംഘടനാ പ്രവര്‍ത്തകര്‍ എന്നിവരെയും ഉള്‍പ്പെടുത്തി നടത്തുന്ന രണ്ടാം ഘട്ട നേതൃസംഗമം നാളെ ചെമ്മണ്ണൂര്‍ ശംസുല്‍ ഉലമ എജ്യുക്കേഷന്‍ കോംപ്ലക്‌സില്‍ നടക്കും. സമസ്ത കേരള ജംഇയ്യത്തുല്‍ ഉലമ ട്രഷറര്‍ സി.കെ.എം സ്വാദിഖ് മുസ്്‌ലിയാര്‍ സംഗമം ഉദ്ഘാടനം ചെയ്യും. മാതൃകാ യോഗ്യമാക്കാം നമ്മുടെ മഹല്ലുകള്‍ എന്ന വിഷയത്തില്‍ എസ്.എം.എഫ് സ്റ്റേറ്റ് ട്രൈനര്‍ മുനീര്‍ ഹുദവി ഫറോഖ് ക്ലാസെടുക്കും.
സമസ്ത കേരള ജംഇയ്യത്തുല്‍ മുഅല്ലിമീന്‍ ജില്ലാ ജനറല്‍ സെക്രട്ടറി സി. മുഹമ്മദാലി ഫൈസി, സമസ്ത മണ്ഡലം സെക്രട്ടറി കെ.സി അബൂബക്കര്‍ ദാരിമി, എസ്.കെ.എസ്.എസ്.എഫ് സംസ്ഥാന ട്രഷറര്‍ ഹബീബ് ഫൈസി കോട്ടോപ്പാടം, സംസ്ഥാന ഉപാധ്യക്ഷന്‍ എം.ടി മുസ്ഥഫ അശ്‌റഫി കക്കുപ്പടി, മുഹമദ് കുട്ടി ഫൈസി, ജില്ലാ പ്രസിഡന്റ് അന്‍വര്‍ സ്വാദിഖ് ഫൈസി കാഞ്ഞിരപ്പുഴ, എസ്.വൈ.എസ് മണ്ഡലം സെക്രട്ടറി സംസം ബശീര്‍, ബഷീര്‍ ഫായിദ, റഹീം ഫൈസി, സലാം മാഷ്, ബാപ്പുട്ടി ഹാജി, മൊയ്തീന്‍ ബാജി, മുത്ത് കുട്ടി മുസ ദാരിമി, ഫൈസല്‍ അന്‍വരി, ഷംസുദ്ദീന്‍ ഫൈസി, ഖാജ ഉലൂമി, സൈതലവി അന്‍വരി സംബന്ധിക്കും.