മങ്കട: മലപ്പുറം ഉപതെരഞ്ഞെടുപ്പില്‍ മങ്കട മണ്ഡലത്തില്‍ യു.ഡി.എഫിന്റെ മികച്ച പ്രകടനം. ഒരുവര്‍ഷം മുന്‍പ് നടന്ന നിയമസഭ തെരഞ്ഞെടുപ്പിനെ അപേക്ഷിച്ചാണിത്. 2016 ലെ നിയമ സഭ തെരഞ്ഞെടുപ്പില്‍ 1508 വോട്ടിനായിരുന്നു ലിഗ് അംഗം മണ്ഡലത്തില്‍ നിന്ന് വിജയിച്ച് കയറിയത്. ലോക്‌സഭാ ഉപതെരഞ്ഞെടുപ്പില്‍ ഇത് 19262 ആയി ഉയര്‍ന്നു. ഭരണം നഷ്ടപ്പെട്ട  പഞ്ചായത്തുകളിലും വ്യക്തമായ ലീഡ് യു.ഡി.എഫ് നേടി.
യു.ഡി.എഫ് 72850 വോട്ടുകള്‍ നേടിയപ്പോള്‍ എല്‍.ഡി.എഫിനു 53588 വോട്ടുകള്‍ ലഭിച്ചു. 7664 വോട്ടുകള്‍ ബി.ജെ.പി നേടി. മറ്റു സ്വതന്ത്രര്‍ 807 വോട്ടുകളും നോട്ട  630 -ഉം വോട്ടുകളും നേടി. കൂട്ടിലങ്ങാടി 4626, മങ്കട 2874, മക്കരപ്പറമ്പ് 2865, അങ്ങാടിപ്പുറം 893, മൂര്‍ക്കനാട് 656, പുഴക്കാട്ടിരി 2751, കുറുവ 4597 എന്നിങ്ങനെയാണ് യു.ഡി.എഫ് ലീഡ്.