മലപ്പുറം: സി.പി.എമ്മിന്റേയും ബി.ജെ.പിയുടേയും അവസരവാദ രാഷ്ട്രീയത്തിനേറ്റ തിരിച്ചടിയാണ് പി.കെ കുഞ്ഞാലിക്കുട്ടിയുടെ ചരിത്ര വിജയമെന്ന് മുസ്‌ലിം ലീഗ് ജില്ലാ പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങള്‍. വര്‍ഗീയ ഫാസിസ്റ്റ് ശക്തികള്‍ക്ക് മലപ്പുറത്തിന്റെ മണ്ണില്‍ ഇടമില്ലെന്ന് വോട്ടര്‍മാര്‍ തെളിയിച്ചു. വര്‍ഗീയ ധ്രുവീകരണമുണ്ടാക്കി കലക്കുവെള്ളത്തില്‍ മീന്‍ പിടിക്കാനാണ് സി.പി.എം ശ്രമിച്ചത്. മലപ്പുറത്ത് ബി.ജെ.പി ഇറക്കിയ ബീഫ് വിവാദം അവസരവാദ രാഷ്ട്രീയ ഉദാഹരണമാണ്. ഇത് ജനം തിരിച്ചറിഞ്ഞതിന്റെ ഉദാഹരണമാണ് മലപ്പുറത്തെ വിജയമെന്നും തങ്ങള്‍ പറഞ്ഞു.