തിരുവനന്തപുരം: കേന്ദ്ര-സംസ്ഥാന സര്‍ക്കാരുകളുടെ റേഷന്‍ മേഖലയോടുള്ള അവഗണനക്കെതിരേ ഓള്‍ കേരള റീട്ടെയില്‍ റേഷന്‍ ഡീലേഴ്‌സ് അസോസിയേഷന്റെ ആഭിമുഖ്യത്തില്‍ മെയ് ഒന്നു മുതല്‍ റേഷന്‍ വ്യാപാരികള്‍ അനിശ്ചിതകാല സമരം ആരംഭിക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. സമരത്തിന് മുന്നോടിയായി ഏപ്രില്‍ 24ന് ജില്ലാ കലക്ടറേറ്റുകള്‍ക്ക് മുന്നിലും തിരുവനന്തപുരം സിവില്‍ സപ്ലൈസ് കമ്മിഷണര്‍ ഓഫിസിന് മുന്നിലും ധര്‍ണ നടത്തും. സംസ്ഥാന വൈസ് പ്രസിഡന്റ് പി മോഹനന്‍പിള്ള, സെക്രട്ടറി മുട്ടത്തറ ഗോപകുമാര്‍ എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.