ആന്റിഗ്വ: വെസ്റ്റിന്‍ഡീസ് പേസ് ബൗളര്‍ ജെറോം ടെയ്‌ലര്‍ ടെസ്റ്റ് ക്രിക്കറ്റില്‍ നിന്നു വിരമിച്ചു.
പരിമിത ഓവര്‍ ക്രിക്കറ്റ് മത്സരങ്ങളില്‍ ശ്രദ്ധ കേന്ദ്രീകരിക്കുന്നതിന് വേണ്ടിയാണ് വിരമിക്കുന്നതെന്ന് ടെയ്‌ലര്‍ വ്യക്തമാക്കി.
ഇന്ത്യക്കെതിരായ പരമ്പരയ്ക്കുള്ള ടീമില്‍ ടെയ്‌ലറെ സെലക്ഷന്‍ കമ്മിറ്റി ഉള്‍പ്പെടുത്തിയിരുന്നില്ല. എന്നാല്‍ ടീമില്‍ ഉള്‍പ്പെടുത്താത്തതല്ല തന്റെ വിരമിക്കലിന് കാരണമെന്ന് ടെയ്‌ലര്‍ വ്യക്തമാക്കി.
വിന്‍ഡീസിന് വേണ്ടി 46 ടെസ്റ്റുകള്‍ കളിച്ച ടെയ്‌ലര്‍ 130 വിക്കറ്റുകള്‍ വീഴ്ത്തിയിട്ടുണ്ട്.
നിരന്തരം പരുക്കിന്റെ പിടിയിലായിരുന്ന ടെയ്‌ലര്‍ 2009-2014 കാലയളവില്‍ ടെസ്റ്റ് മത്സരങ്ങള്‍ കളിച്ചിരുന്നില്ല. കഴിഞ്ഞ വര്‍ഷം ആസ്‌ത്രേലിയക്കെതിരേ സിഡ്‌നിയിലാണ് ടെയ്‌ലര്‍ അവസാനമായി ടെസ്റ്റ് കളിച്ചത്.